Шаҳбоз Умаров: "Ўртамизда ҳеч қандай қарама-қаршилик бўлгани йўқ, захирага олишни ўзим сўрадим"
20 фев 2022 22:28
Янгиликлар

Шаҳбоз Умаров: "Ўртамизда ҳеч қандай қарама-қаршилик бўлгани йўқ, захирага олишни ўзим сўрадим"

БАТЭ клубининг ўзбекистонлик футболчиси Шаҳбоз Умаров жамоа билан келишмовчиликка боргани тўғрисидаги хабарларга ойдинлик киритди.

Аввалроқ журналист Владислав Татур Ўзбекистон терма жамоаси аъзосининг БАТЭ устози Александр Михайлов билан келишмовчилиги туфайли ўринбосарлар жамоасига ўтказилгани айтилганди.

Футболчи бу ҳақда қуйидагича фикр билдирди:

"Менда клуб билан боғлиқ ҳеч қандай муаммо йўқ. Жароҳатим сабабли мураббийдан алмаштиришни ўзим сўрадим. Менимча, захирага олинганимдан сўнг дарҳол кийиниш хонасига кириб кетганим учун одамлар мени мураббий билан зиддиятга борган деб ўйлагандир. Ҳозирда якка тартибда шуғулланяпман".

Эслатиб ўтамиз, кеча "Шахтёр" Петриковга қарши ўртоқлик учрашувининг биринчи бўлимида (2:2) Умаров бош мураббий Михайлов томонидан захирага олинганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +10