Сергей Лушан: "Мен бош мураббий эмасман!"

- "Обод" биз учун энг "яхши" рақиб бўлиб қолмоқда. Ҳар доим уларга қарши қийналиб қолмоқдамиз. "Обод" ўйин жиҳатидан анча яхши ҳаракат қилмоқда. Агарда ушбу жамоа ўз сафини яхшироқ ижрочилар билан тўлдирса, унда "Обод" янада кучайишга эришади. Биз муҳими керакли натижага эришдик. Мухлислар камлиги? Албатта бўш стадионда ўйнаш ёқимсиз ҳолат. Жавлон Иброҳимов нега йўқ? Футболчининг иши машғулотларда ишлаш, меҳнат қилиш. Жавлон борасида яхшиси бош мураббийга мурожаат қилиш лозим. Мен унда кимман? Мен спорт директори сифатида иш олиб бораман. ОЧЛдаги вазият туфайли мени бош мураббий этиб тайинлашганди. Аммо натижа ва бошқа нарсаларга Бахтиёр Бобоев жавобгар. Жавлон Иброҳимов клуб президенти эмаски бош мураббийга баланд овозда гапирса ёки эътироз билдирса. Иброҳимов масаласида мен бирор нарса дея олмайман.