Учрашув олдидан навоийликлар ярим ҳимоячиси Сарваржон Холматов фикрлари билан қизидик.
— Чемпионатни ёмон бошламагандик, — дейди Сарваржон Холматов. — Афсуски, охирги тур ўйинларини бир текис ўтказа олмадик. Айрим муҳим баҳсларда ўз майдонимизда рақибларга зарур очколарни улашдик. Аммо шунга қарамай, мавсум оралиғидаги таътилга яхши кайфиятда чиқишни истаймиз.
Рақибимиз — “Сўғдиёна” жамоаси уй учрашувларини шиддатли ва юқори кайфиятда ўтказишини яхши биламиз. Жиззахликлар бу йилги мавсумни ҳар доимгидан-да ҳужумкор руҳда ўтказишаётганини барча кўриб, билиб турибди. Шу боис, навбатдаги турга пухта тайёрландик. Сафарда ўйнашимизга қарамай, чиройли футбол намойиш этиб, ижобий натижани қўлга киритиш учун майдонга тушамиз.
“Қизилқум” ПФК Матбуот хизмати.
