Сарварбек Сафаров: “Мақсадимиз олий лигада иштирок этиш эди”

Ушбу учрашувда “Навбаҳор” клубининг қўли баланд келди (3:1). Қизиқарли кечган баҳсдан сўнг “Норин” жамоаси футболчиси Сарварбек Сафаров ўйин ҳақида фикр билдирди.

“Футболда кучлилар ғалаба қозонади. Ушбу учрашувга жиддий тайёргарлик кўргандик. Мақсадимиз олий лигада иштирок этиш, эди. Бизда голга тортадиган бир қатор хавфли вазиятлар бўлди, афсуски улардан фойдалана ололмадик. Омад етишмади, деб ўйлайман. Агарда биз омадлироқ бўлганимизда “Норин”  элитага йўлланмани қўлга киритарди. Бугун ғалаба қозонганимизда тарихга кирардик.

Биринчи бўлимда улар бир киши кам бўлиб қолди. Бу қайсидир тарафдан фойда берди. Иккинчи бўлимда бироз қизишиб кетганим учун ҳакам томонидан иккинчи сариқ карточкани қабул қилиб олдим ва майдондан четлатилдим. “Навбаҳор” жамоасини ғалаба билан табриклайман”, - дейди “Норин” клуби футболчиси Сарварбек Сафаров.

Жаҳонгир Сотволдиев