"Рух" ҳужумчиси ёзда Франция клубига ўтади
27 мар 2021 09:00
Янгиликлар

"Рух" ҳужумчиси ёзда Франция клубига ўтади

Украинанинг "Рух" клуби ҳужумчиси Николай Кухаревични Франциянинг "Труа" клубига трансфер қилди.

Футболчи 2021 йил 1 июль куни "Труа" сафига бориб қўшилади, унга қадар "Рух" сафида ўйнашда давом этади.

Маълумотларга кўра, Кухаревичга Европанинг бир қатор клублари қизиқиш билдиришган аммо узоқ музокаралардан сўнг "Труа" варианти танланган. Николай Кухаревич 2001 йилда туғилган ва ҳозирга қадар "Рух" сафида 14та ўйинда майдонга тушиб 2та гол урган.

"Труа" айни пайтда Франция қуйи лигасида иштирок этмоқда ва мусобақа жадвалида биринчи ўринда бормоқда.

Маълумот учун, 2020 йилда "Труа" клубини City FootballGroup компанияси сотиб олганди. Бироз олдин "Рух" айнан шу компания билан ҳамкорликни йўлга қўйиши ҳақида хабар бергандик.