"Хоразм" мураббийи Руслан Аҳмедов: "Рақибга ташаббусни бериб қарши ҳужумни кўзладик"
20 мар 2022 19:22
Янгиликлар

"Хоразм" мураббийи Руслан Аҳмедов: "Рақибга ташаббусни бериб қарши ҳужумни кўзладик"

Бугун Про лиганинг 3-турида “Хоразм” ўз майдонида “Андижон”ни қабул қилди ва 3:0 ҳисобида ғалаба қозонди.

Ўйиндан кейинги матбуот анжуманида дастлаб мезбонлар бош мураббийи Руслан Аҳмедов иштирок этди.

- Бугунги ўйин оғир бўлди. Чунки биз тактика томондан тайёргарлик кўргандик. Биламиз, “Андижон” яхши жамоа. Улар Суперлигага чиқишга давъогар ҳисобланади. Биз ҳар ўйинга жиддий тайёрланамиз.

- Ўйинда 3:0 бўлишини кутганмидингиз?

- Биз бугун иккинчи темп билан ўйнадик. Имкониятларимиз бўлишини кутгандик. Рақибга ташаббусни беришни олдиндан режалаштиргандик. Биз эса қарши ҳужумлар уюштиришни кўзладик.

- “Андижон”нинг ўйинига қандай муносабат билдирасиз?

- Яхши жамоа. Тажрибали футболчилари кўп. Рақиб сафида легионерлар ҳам бор. Улар ўзига яраша кучли. Мавсум давомида клуб барибир Суперлигага чиқиш учун ҳаракат қилади.

Ҳавола :

Манба : "Андижон" матбуот хизмати

Янгиликларни Телеграмда ўқинг!

Рейтинг: +5