Рўзиқул Бердиев: "Йигитлар ҳеч қандай босим ва ҳаяжонсиз эртанги ўйинга тайёргарлик кўришмоқда"
26 апр 2022 18:10
Янгиликлар
Рўзиқул Бердиев: "Йигитлар ҳеч қандай босим ва ҳаяжонсиз эртанги ўйинга тайёргарлик кўришмоқда"
Унда "Насаф" бош мураббийи Рўзиқул Бердиев ҳамда марказий ҳимоячи Ҳусниддин Алиқулов иштирок этди ва журналистлар саволларига жавоб қайтарди.

"Мақсадимизга эришишимизга оз қолди. Ҳаммаси ўз қўлимизда. Ақлни ишлатган ҳолда ўйнаб, бор кучимиз билан ҳаракат қиламиз.
Кейинги босқичга чиқишни ният қилгандик ва бунга яқинмиз. Йигитлар ҳеч қандай босим ва ҳаяжонсиз эртанги ўйинга тайёргарлик кўришмоқда.

"Ал Виҳдат" – "Насаф" сингари очиқ футбол ўйнайдиган жамоа. Ўхшаш тарафларимиз бор. Ҳеч биримизда юлдуз футболчи йўқ. "Ал Виҳдат" ва "Насаф" курашувчан, ҳаракатчан жамоалар сирасига киришади. Қолаверса, икки клубнинг жисмоний тайёргарлиги ҳам деярли бир хил ва яхши ҳолатда.

Эртанги ўйинда максимал кучимизни сарфлашимиз лозим, чунки осон бўлмайди. "Ал Виҳдат" яхши шаклланган жамоа эканлигини кўрдик. Улар бежиз Иордания чемпионати етакчиларидан бири эмас экан", – деди Рўзиқул Бердиев.

"Жамоамиз футболчиларининг кайфияти аъло даражада. Эртага чиройли ўйин кўрсатиб, ғалаба қозонишга интиламиз", – деди Ҳусниддин Алиқулов.
Эслатиб ўтамиз, "Ал Виҳдат" – "Насаф" беллашуви эртага Тошкент вақти билан 22:15 да бошланади.
Ўхшаш янгиликлар
championat.asia
ЕЧЛ. Учта голи ҳисобланмаган "Челси" 10 киши қолган "Барселона"ни йирик ҳисобда мағлубиятга учратди
ОЧЛ-2. "Андижон" кетма-кет бешинчи учрашувда дуранг ўйнади ва гуруҳдан чиқиш имкониятини сақлаб қолди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
"Насаф"нинг икки етакчиси "Пахтакор"га ўтади
Фикрлар