UZ

Сўнгги янгиликлар

16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  1 16:35Суперлига. "Қизилқум" — "Шўртан" 1:1 (матнли трансляция)  2 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  1 16:00Суперлига. "Навбаҳор" – "Пахтакор" (матнли трансляция)  21 15:39ЖЧ-2026 гуруҳ босқичига қачон қуръа ташланади?  4 15:35"Ризеспор" — "Кайсериспор". Таркиблар маълум  2 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:20Суперлига. "Насаф" — "Динамо" (матнли трансляция)  13 14:17"Андижон" ярим ҳимоячиси кейинги мавсумни "Бунёдкор"да ўтказади   3 13:56Одил Абдумажидовга Кувайт ва Сербия клублари қизиқиб қолишди  0 13:16Суперлига. 30-турни қайси футболчилар ўтказиб юборади?  0 13:01Жамшид Искандеров: "Водийда чемпион бўлиш қийин"  3 12:43Гвардиола Силванинг "Манчестер Сити" билан янги шартномаси борасида фикр билдирди  1 12:15"Реал" янги ҳужумчи топди  3 11:47Рамос ЖЧ-2026да ўйнашни истамоқда. 39 ёшли ҳимоячи "Монтеррей"ни тарк этиб, қишда Европага қайтмоқчи  0

Рўзиқул Бердиев: "Металлург"нинг чет эллик мураббийида ҳеч қандай услуб кўрмадим" Янгиликлар

Рўзиқул Бердиев: "Металлург"нинг чет эллик мураббийида ҳеч қандай услуб кўрмадим"

Суперлиганинг 2-туридан ўрин олган "Насаф" - "Металлург" (1:1) учрашувидан кейин мезмонлар бош мураббийи Рўзиқул Бердиев матбуот анжуманида иштирок этди.

- Ўйин ҳақида

- Ўйин анча асабий тарзда кечди. "Металлург" кўпроқ ҳимояга эътибор қаратиб ўйнашини билардик. Улар қарши ҳужумлар ва стандарт вазиятларга таяниб ўйнашди. 

Охирги паллада диққат-эътиборимизни йўқотдик ва бу учун жазоландик. Биринчи таймга нисбатан иккинчи таймда кўпроқ вазиятлар яратдик. 

Вазиятлардан фақат биттасини голга айлантирдик. Ўйлайманки, рақибдан яхшироқ тўп тепдик, аммо натижа биз ва мухлислар кутгандек бўлмади. Ғалабани қўлдан бой берган бўлсак-да, йигитларга ҳеч қандай эътироз йўқ. Улар борини бериб ўйнашди. 

- Меҳмон жамоа устози хорижлик. Унинг ўйин услубига қандай баҳо берасиз?

- Ҳеч қандай услуб кўрмадим. Жамоа ҳимояланди ва узун паслар билан ўйнади. "Металлург" АГМК билан беллашувда ҳам ҳимояга таяниб, қарши ҳужумда ўйнаганди. Лекин бу – футбол, балки бу у танлаган ва ёқтирган услубдир. "Металлург" футболчилари кўп вазиятларда майдонга ётиб олишди, бу эса мухлисларимизга ёқмади. Албатта, уларнинг танлаган ва қўллаган тактикаси шу эди, бу уларга қўл келди.

- Ўтказиб юборилган голда рақиб футболчиси (Аброр Тошқўзиев – таҳр.) ёлғиз қолдирилди. Бу ҳимоячиларнинг айбимиди?

- Умумий қилиб олсак, кўпчиликнинг хатоси бўлди. Эътиборни йўқотмаслик керак эди. "Металлург" комбинацион стандарт вазиятларга урғу беришини билардик. Ўша вазиятда ёш ўйинчимиз Акрамов диққат-эътиборни йўқотиб, хато қилди.  Гол бўлган вазиятда Умид Эргашевни хатоси бормиди деб ўйлагандим, аммо кейин билсам, тўп Ҳусниддин Алиқуловга тегиб, рикошет орқали дарвозага кириб кетган экан.

-  Ғолиб Ғайбуллаев қайдномадан жой олмади...

- Ғолиб "Навбаҳор" билан баҳсда кичик жароҳат олганди. Шу боис у қайдномага киритилмади.

- Олдинда "Насаф"ни ОЧЛ плей-оффи доирасидаги "Банияс"га қарши муҳим ўйин кутмоқда. Жамоа охирги 3 ўйинда ғалаба қозона олмагани футболчиларга салбий таъсир кўрсатмайдими?

- Албатта, бу борада ишлаймиз. Натижалар таъсир қилади, албатта. Бироқ бу каби ҳолатларга олдин ҳам дуч келганмиз. Ўйлайманки, йигитларни руҳий ҳолатини яхшилаймиз.

- Биздаги маълумотларга кўра, "Насаф"га Ўзбекистон Кубоги мукофот пули ва декабр ойи маоши берилмагани айтилмоқда. Бу қанчалик асосли?

- Бу нарса рост. Йўқ десам нотўғри бўлади. Ўйлайманки, бу қарздорликлар таъсир кўрсатгани йўқ. Раҳбарият тез орада бу масалани ечади.





Рейтинг: -25   

Фикрлар

championat.asia
< сўнгги янгиликларни кўриш
Яндекс.Метрика