Журналист Фабрицио Романонинг маълумотига кўра, томонлар 2028 йилгача мўлжалланган шартнома борасида келишиб олишган. Яқин вақтлар ичида футболчи клуб учун тиббий кўрикдан ўтади ва шартнома имзолайди.
Кот-д`ивуарлик футболчи "Айнтрахт" билан шартномаси якунлангани учун Рим клубига эркин агент сифатида кўчиб ўтади. Ушбу мавсумда 23 ёшли марказий ҳимоячи барча турнирларда 44 ўйинда қатнашиб, 2 гол ва 1 ассист қайд этди.
Бу "Рома"нинг ёздаги иккинчи текин трансфери бўлади. Бунга қадар клуб ярим ҳимоячи Уссем Ауарни эркин агент сифатида таркибига жалб қилганди.
