"Рома" ҳимоячиси мавсум якунига қадар сафдан чиқди

Mirjalol Normatov
30 мар 2021
"Рома" марказий ҳимоячиси Мараш Кумбулла Албания термаси ихтиёрида жароҳат олди ва мавсумнинг қолган қисмини ўтказиб юбориши аниқ бўлди.

"Football Italia" хабарига кўра, футболчи белидан жароҳат олган ва шу боисдан камида уч ой майдонга туша олмайди.

Ушбу мавсумда Кумбулла "Рома" таркибида барча турнирларда 23 ўйинда қатнашиб, ўз ҳисобига 2 гол ёздириб қўйганди.

Ушбу мавсумни "Рома" омадсиз ўтказмоқда. Жамоа А Серия турнир жадвалида 6-ўринни эгаллаб турибди.


Mirjalol NormatovМуаллиф
Манба: Goal