"Канонирлар" 1/4 финал босқичида Мадриднинг "Реал" клубини мағлуб этди. Икки ўйиндан иборат қарама-қаршиликнинг умумий ҳисоби - 5:1 лондонликлар фойдасига.
Биринчи ўйин 3:0 ҳисобида якунланди. Шундан сўнг "Реал"нинг Мадриддаги камбэки ҳақида кўп гап-сўзлар бўлди. Аммо, Испанияда ҳам "Арсенал" кучлироқ бўлиб чиқди (2:1).
"Реал"нинг камбэки ҳақида кўп гапирилди, ахир улар буни кўп марта уддалашган. Аммо, биз биринчи ўйинданоқ олдинга ўтиб олишимизга амин эдик. Буни мияда сақлаб, ҳақиқатга айлантирдик", - деди Райс.
