Клуб расмий сайти хабарига кўра, Клемент икки ярим йиллик шартномага имзо чеккан.
Пол Клемент бунгача "Бавария" клубида Карло Анчелоттининг ёрдамчиси сифатида ишлаб келаётганди.
"Суонси" бу мавсумда шу билан учинчи мураббийга эга бўлди. Жамоани мавсумга италиялик Франческо Гвидолин тайёрлаган эди. 3 октябрь куни унинг ўрнига америкалик Боб Брэдли бош мураббий этиб тайинланган эди. 27 декабрда Брэдли ҳам истеъфога чиқарилди.
"Суонси" 20та турдан сўнг 12 очко билан АПЛ мусобақа жадвалининг 20-поғонасида бормоқда.
Анчелоттининг ёрдамчиси "Суонси"ни бошқаришга рози бўлди
