Расман: Усмонов "Пахтакор"нинг фахрий Президентига айланди

Бугун "Пахтакор" футбол клубида раҳбарияти таркибида ўзгаришлар амалга оширилди. Клуб Вице-президенти сифатида фаолият олиб борган Шодиев Бобур Кабулович клуб Президенти этиб тайинланди. Клуб бош директори лавозимида ишлаб келган Аҳматджонов Умид Маҳаматджанович клуб вице-президенти лавозимини эгаллади. "Пахтакор" клуби бош директори этиб Адисман Дмитрий Александрович тайинланди.

Бунгача клуб Президенти сифатида фаолият юритган Тошкент шаҳар ҳокими Раҳмонбек Усмонов эндиликда "Пахтакор" клуби фахрий Президенти хисобланади.