Расман: "Боруссия" Санчони ортга қайтарди
11 янв 2024 17:42
Янгиликлар

Расман: "Боруссия" Санчони ортга қайтарди

Дортмунднинг "Боруссия" клуби Жейдон Санчонинг қайтганини эълон қилди.

Футболчи "Манчестер Юнайтед"ни тарк этди.

"Боруссия" Санчо бўйича келишувни эълон қилишга креатив ёндашди. Клуб одатдаги янгиликлар ўрнига расмий ҳужжатнинг пародиясини эълон қилди, унда шундай дейилган:

"Яқин келажакдаги режаларинг? - "Мен қайтиб келдим".

Эслатиб ўтамиз, аввалроқ ОАВда англиялик футболчи жорий мавсум охиригача немис клубига ижара асосида ўтиши ҳақида хабарлар тарқалганди. 23 ёшли Жейдон Санчо жамоа бош мураббийи Эрик тен Ҳаг билан можародан сўнг "қизил иблислар" қайдномасига киритилмаган.

Англиялик футболчи илгари Дортмунднинг "Боруссия"сида ҳаракат қилган ва 2021 йилда МЮга йўл олган эди. Футболчи жорий мавсум АПЛда бор-йўғи 3 та ўйинда майдонга тушди.

Ҳавола :

Манба : bvb.de

Янгиликларни Телеграмда ўқинг!

Рейтинг: +4