Рашид Ғофуров: "Хайрулла Каримовни мажбуран алмаштирдик"

"Бугун мухлислар чиройли, голли вазиятларга бой бўлган ўйин намойиш этилди. "Шўртан"нинг йўқотадиган нарсаси йўқ эди, улар борини бериб ўйнади. Олдинлари чиройли ўйнаб ютқазаётгандик. Бугун шунинг тескариси бўлди. Энг асосийси ғалабага эришдик".

"Хайрулла Каримовни мажбуран алмаштирдик. У оёқ мушагини чўзиб олгани учун Голбанни майдонга туширдик. Аслида Голбанни Жўрабоевнинг ўрнига туширишни режалаштиргандик. Игорь Голбан иккинчи қаватдаги курашларда деярли ютқазмайди. У яқинда жароҳатидан қутулди, шу боис фақат захирадан майдонга тушираяпмиз. Кейинги ўйинларда Игорни асосий таркибда туширишимиз мумкин. Мавсум узоқ давом этади, шу боис ҳали барчада ўйин амалиёти бўлади. Чой олдин ярим ҳимояда ўйнамаган, шу боис чарчаб қолаяпти. Ўзи бугун алмаштиришимизни сўради", - дейди Рашид Ғофуров.

"Навбаҳор" матбуот хизмати