"Қўқон-1912": Водий дербиси 16:30да бошланади

Жамоамиз аъзолари ушбу баҳсга муносиб тарзда тайёргарлик кўришди, десак муболаға бўлмайди. Айни дамда барчанинг кайфияти юқори. Мураббийлар штаби ҳам футболчиларни максимал даражада тайёрлашга ҳаракат қилишди. Бугун мухлислар ажойиб футбол гувоҳига айланишларига шубҳа йўқ.

Ушбу жамоаларнинг Наманганда бўлиб ўтган биринчи учрашувида вакилларимиз 1:0 ҳисобида ғалаба қозонишганди. Ҳозирча устунлик биз томонда.

Кеча футболчиларимиз учрашув олдидан сўнгги машғулотни “Марказий” ўйингоҳда ўтказишди.

Бугун Қўқондаги “Марказий” ўйингоҳда бўлиб ўтадиган учрашув соат 16:30да бошланади. Ўйин учун чипталар стадион кассаларида икки хил тоифада 10 000 ва 5 000 сўмдан сотилмоқда.

Барча футбол мухлисларни “Марказий” ўйингоҳга чорлаб қоламиз. Айнан мухлисларнинг қўллаб-қувватлашлари бугунги Водий дербисида жамоамиз аъзоларига қўшимча куч бағишлаши аниқ. Зеро, биз ҳар доим мухлислар билан фахрланиб келганмиз.