"Қўқон-1912" жамоасининг навбатдаги йиғини Тошкент шаҳрида бўлади
06 фев 2022 11:50
Янгиликлар

"Қўқон-1912" жамоасининг навбатдаги йиғини Тошкент шаҳрида бўлади

Теглар : Қўқон-1912

"Фарғона вилояти хокими кубоги-2022" мусобақасида ғолибликни қўлга киритган "Қўқон-1912" жамоаси аъзолари 2 кунлик қисқа таътилга чиқишди.

Бахтиёр Ашурматов шогирдларига 2 кун оила даврасида ҳордиқ чиқариш имконини тақдим қилди. Жамоа аъзолари 8 февраль кунидан навбатдаги ўқув-машғулот йиғинларига киришадилар. Эндиги машғулотлар Тошкент шаҳрида давом эттирилади.

"Хоким кубоги-2022" мусобақаси мураббийлар штабига кўплаб футболчиларни майдонда кўриб олиш, шунингдек жамоавий ўйинни ташкил қилишда катта ёрдам берди.

Тошкентдаги йиғинда мураббийлар жамоанинг янги мавсумдаги таркибини тўлиқ аниқлаб оладилар. Йиғин давомида бир нечта назорат ўйинлари ўтказиш режалаштирилган. Ҳозирча Тошкентдаги йиғин қанча муддат давом этиши аниқ эмас. Ўзбекистон Суперлигасига ташланадиган қуръа натижаларига қараб бу йиғин қанча муддат давом эттирилиши маълум бўлади.

Ҳавола :

Манба : "Қўқон-1912" матбуот хизмати

Янгиликларни Телеграмда ўқинг!

Рейтинг: +5