Махсуджон Зокиров: "Бугунги ўйинда хатолар кўп бўлди"
04 окт 20:08
Янгиликлар
Махсуджон Зокиров: "Бугунги ўйинда хатолар кўп бўлди"
Ўйиндан сўнг "Олимпик Мобиуз" ёрдамчи мураббийи Махсуджон Зокиров матбуот анжуманида иштирок этди.
- Ўйин ҳақида фикрингиз?
- Авваламбор "ФарДУ" жамоасини бугунги ғалаба билан табриклайман. Биз ҳам ғалаба учун майдонга тушгандик, аммо омад юз ўгирди. Ўз хатоимиз туфайли голлар ўтказиб юбордик.
- Рустамбек Фомин бугун анча орқароқда ўйнади?
- Рустамбек бизда таянч ярим ҳимоячиси сифатида ҳаракат қилади. Унга бугун ҳимояга кўпроқ ёрдам бериш вазифаси топширилганди. У қўлдан келганча вазифани бажаришга ҳаракат қилди, лекин таркибимиздаги ҳамма ҳам ўз ишини яхши бажаргани йўқ. Хатолар жуда кўп бўлди. Энди бу хатоларни тўғрилаш устида иш олиб борамиз.
- Йил бошида жамоа олдига Суперлигага чиқиш вазифаси қўйилганди?
- Ҳар бир ўйинда ютуқ учун майдонга чиқамиз. Гарчи ютқазган бўлсак-да, бу мақсаддан қайтмаймиз ва ҳаракат қилишда давом этамиз. Ҳали ҳаммаси тугагани йўқ.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
"Шармандалик, бу шармандалик!"
Португалия ЖЧ йўлланмасини қўлга киритганидан сўнг Роналду қисқа фикр билдирди
Фикрлар