Қатар ЖЧ-2022 учун 208 млрд евро сарфлади — бу Россиянинг 2018 йилдаги харажатидан 17 марта (!) кўп
27 сен 2022 17:09
Янгиликлар

Қатар ЖЧ-2022 учун 208 млрд евро сарфлади — бу Россиянинг 2018 йилдаги харажатидан 17 марта (!) кўп

Теглар : ЖЧ-2018

Қатар бўлажак мундиаль учун 208 млрд евро сарфлаб улугрди — бу 2018 йилда Россиядаги кўрсаткичдан 17 марта кўпроқ.

"The Sun" нашрининг хабарига кўра, Қатар ЖЧ-2022 учун 208 млрд евро атрофидаги маблағни сарфлаб улгурган, бу ЖЧ-2018 дагидан 17 марта кўпроқ дегани. Россия ўзи ўтказган мусобақа учун 11,6 млрд фунт (тахминан 13 млрд евро) ишлатган.

Солиштирик учун 2014 йил Бразилия 15 млрд фунт (тахминан 17 млрд евро), 2010 йил ЖАР эса 3,6 млрд фунт (тахминан 4 млрд евро) сарфлаган.

Мусобақанинг алоқа ишлари бўйича директори Фатма Ал-Нуайми Қатар бу пулларни нималарга сарфлаганини тушунтириб берди.

"Жаҳон чемпионати Қатарнинг 2030 йилгача мўлжалланган миллий ривожланиш лойиҳасига киритилган. Бу давлат даражасидаги катта стратегия. Бу орқали шаҳарлар, саноат ва бутун мамлакат бўйлаб хизмат кўрсатиш соҳасида ўсиш, таълим ва соғлиқни сақлаш тизими яхшиланиши режалаштирилган.

Кўп бор ЖЧ билан бирга тилга олинаётган 200 млрд доллар (тахминан 208 млрд евро) аслида миллий ривожланиш стратегияси ва Қатарнинг ривожланишидек катта мақсадларни кўзлаган ана шу лойиҳага тегишлидир.

2022 йил фойдаланиладиган катта кўламдаги инфратузилма объектлари, мисол учун йўллар, метро, аэропорт, меҳмонхоналар ва бошқа кўплаб туристик объектлар биз ЖЧни ўтказиш ҳуқуқини қўлга киритишимиздан аввал режалаштириб бўлинганди", – деди Ал-Нуайми.