Қашқадарё футбол мактабида Алишер Навоий ҳамда Заҳириддин Муҳаммад Бобур таваллудига бағишланган тадбир ўтказилди

Хусусан, кеча 9 февраль куни Қашқадарё вилоят футбол маҳорат мактабида ҳам сўз мулкининг султони, ўзбек адабий тилининг асосчиси Ҳазрат Мир Алишер Навоийнинг 580 йиллиги ҳамда шоҳ ва шоир, буюк давлат арбоби Заҳириддин Муҳаммад Бобур таваллудининг 538 йиллиги муносабати билан “Буюк аждодлар ёди доим барҳаёт” мавзусида маънавий – маърифий тадбир ташкил этилди. Тадбирга таклиф этилган Навоийшунос олим Турсунпулат Холов сўзга чиқиб, Алишер Навоийнинг қолдирган бой ижодий меросини ўрганиш ва тарғиб қилиш борасида амалга оширилаётган ишлар ҳақида тўхталиб ўтди.

Тадбир доирасида Қашқадарё вилоят мусиқали драма театри актёрлари томонидан Алишер Навоий ва Заҳириддин Муҳаммад Бобур ҳаёти ва ижодига мансуб саҳна кўринишлари намойиш этишди. Шунингдек, бир гуруҳ спортчи-ўқувчилар Навоий ва Бобур ғазалларидан намуналар ўқиб беришди. қашқадарёлик хушовоз хонанда Илёс Қурбонов томонидан ватанни мадх этувчи куй-қўшиқлари тадбирга янаям завқ-шавқ бағишлади.

Шавкат Рўзиев, Қашқадарё вилоят футбол маҳорат мактабининг маънавий-маърифий ишлар бўйича директор ўринбосари