Пьянич расман фаолиятини якунлади. У Қозоғистон клубига ўтмайди

ЦСКА ҳамда Босния ва Герцеговина терма жамоасининг собиқ ярим ҳимоячиси Миралем Пьянич фаолиятини якунлаганини расман эълон қилди. 2025 йил охирида Пянич бошқа футбол ўйнашни истамаслигини айтган эди. Январь ойида Пьяничнинг Нанининг изидан "Ақтобе"га ўтиши ҳақида хабар тарқалган эди.

"Мен бир умр ўз куйимни чалиб келдим. Ҳар бир тўпга тегиш, ҳар бир пас, ҳар бир зарба - бу нота эди. Футбол менинг мусиқам, майдон эса пианином эди. Бу ўйиннинг гўзаллигини эшитишингизни орзу қилардим.Бугун юрагим миннатдорчиликка тўлиб, айтишим мумкинки, бу симфония менинг ҳаётим эди. Уни сизлар билан баҳам кўриш мен учун шараф бўлди. Ҳар доим менинг асосий суянчиғим ва кўзга кўринмас кучим бўлган оиламга алоҳида миннатдорчилик билдираман. Орзуларимни, фидокорликларимни ва ғалабаларимни баҳам кўрган мураббийларимга, жамоадошларимга. Техник ходимлар, шифокорлар ва саҳна ортида меҳнат қилган барчага. Мухлисларга, бу ўйиннинг жонига. Бу мусиқанинг бир қисми бўлганингиз учун ҳаммангизга раҳмат," - деб ёзди Миралем.

35 ёшли боснияликнинг фаолиятидаги сўнгги клуби у ёзда тарк этган ЦСКА бўлди. Пьянич шунингдек, "Метс," "Лион," "Рома," "Ювентус," "Барселона," "Бешиктош" ва "Ал Шаржа" клубларида ҳам ўйнаган. У "Ювентус" билан 7 та, "Ал Шаржа" билан иккита, "Барселона," ЦСКА ва "Бешиктош" билан биттадан соврин ютган.

Пянич Босния ва Герсеговина терма жамоаси сафида 115 та ўйин ўтказган - бу кўрсаткич фақат Эдин Жекода ундан кўпроқ (146).