“ПСЖ”, “Монако”, “Лион” ЕЧЛда, “Труа” ва “Метц” “учиб” кетишди
20 май 2018 08:12
Янгиликлар

“ПСЖ”, “Монако”, “Лион” ЕЧЛда, “Труа” ва “Метц” “учиб” кетишди

Францияда мавсум-2017/18га якун ясалиб, Еврокубокларда иштирок этадиган жамоалар қаторида элит дивизионни тарк этган омадсизлар ҳам маълум бўлди.

Кучли учликдан жой олган “ПСЖ”, “Монако” ва “Лион” клублари келаси мавсумда ЕЧЛда иштирок этишади. Кейинги поғоналарни банд этган “Марсель”, “Ренн” ва “Бордо” жамоалари Европа Лигасида Франция шарафини ҳимоя қилишади.

Турнир жадвалида сўнгги икки поғонани эгаллаган “Труа” ва “Метц” клублари эса қуйи лигага равона бўлишди. “Тулуза” жамоаси эса иккинчи дивизион вакили билан ўтказиладиган плей-офф ўйинида майдонга тушади.

“ПСЖ” ҳужумчиси Эдинсон Кавани 32та ўйинда 28та гол киритиб, Франция чемпионати тўпурарига айланди.