Превью. "Нефтчи" - "Шўртан"

«Нефтчи» (Фарғона) – «Шўртан» (Ғузор)
30 апрель 2016. Фарғона. "Истиқлол" стадиони. 18:00
Ҳакамлар: Ҳ. Рўзиев (Тошкент), Р. Фозилов (Наманган), М. Мажидов (Наманган), Р. Лутфулин (Тошкент)
Назоратчи: Б. Галеев (Урганч).

“Нефтчи” ва “Шўртан” олий лигада 20 марта ўзаро ўйнашган. Натижалар тенгликни кўрсатмоқда. Иккала клуб 7тадан ўйинда муваффақият қозонишган. Олти ўйинда дуранг натижаси қайд этилган. Тўплар нисбатида устунлик “Шўртан” томонида - 24:22. Ўзаро ўйинларда “Нефтчи” ва “Шўртан” 27 очко олишган.

“Нефтчи”нинг ўзаро ўйинларда қозонган энг йирик ғалабаси – 5:0га тенг. “Шўртан”нинг энг йирик ғалабаси 4:0.

Бир йил илгари Фарғонадаги ўйинда дуранг кузатилган. Иккинчи бўлим бошида меҳмонлар ҳимоячиси Дарко Станоевич ҳисобни очганди. Бунга баҳс сўнггида мезбонлар ҳужумчиси Мурод Бобожонов жавоб берганди – 1:1. Ғузорда “Шўртан” йирик ғалабани тантана қилганди. Игорь Таран дублга эришган, Зафар Полвонов ва Элдор Бойматов биттадан гол уришган. “Нефтчи” сафида битта жавоб тўпига Шерзод Ҳакимов муаллифлик қилганди – 4:1.

Фарғонада бўлиб ўтган сўнгги беш учрашув:
14.03.2015 «Нефтчи» - «Шўртан» 1:1
04.08.2014 «Нефтчи» - «Шўртан» 2:0
18.05.2012 «Нефтчи» - «Шўртан» 1:1
17.04.2011 «Нефтчи» - «Шўртан» 0:0
04.06.2010 «Нефтчи» - «Шўртан» 0:2

Ўзаро ўйинлар ҳақида факт: Фарғонада бўлиб ўтган 10та ўйиннинг 5тасида “Нефтчи” ғалаба қозонган. Тўрт баҳсда “Шўртан” сафарда дурангга эришган ва бир марта (2010 йил) ғолиб бўлган. Эътиборлиси, сўнгги 6та ўйинда “Нефтчи” ўз уйида фақат бир бор ғалабага эришган.