Превью. "Бухоро" - "Насаф"

«Бухоро» (Бухоро) – «Насаф» (Қарши)
24 апрель 2016. Бухоро. "Бухоро" стадиони. 18:00
Ҳакамлар: В. Цейтлин (Тошкент), А. Усмонов (Тошкент), А. Сидоров (Тошкент), И. Ибрагимов (Нукус)
Назоратчи: Ф. Абдуллаев (Тошкент).
ЎзПФЛ вакили: А. Фролов.

Бу икки клубнинг йўллари олий лига ўйинларида 36 бор кесишган. Устунлик “Насаф” томонида. 36 ўйиндан 18тасида қаршиликларнинг қўли баланд келган бўлса, 9 учрашувда “Бухоро” ғолиб бўлган. 9та учрашувда ғолиб аниқланмаган. Тўплар нисбати ҳам “аждарлар” фойдасига. Қаршиликлар шу кунга қадар ўзаро ўйинларда 62та тўп киритиб ўз дарвозасидан 37 марта тўп олиб чиқишган. Ўзаро ўйнларда “Насаф” 63 очкони, “Бухоро” эса 36 очкони қўлга киритган.

“Насаф” олий лигада “Бухоро” устидан 6:0 ҳисобида ғалаба қозонган. Бу ўзаро ўйинлардаги “аждарлар”нинг энг йирик ғалабасидир. “Бухоро”нинг ўзаро ўйинлардаги “Насаф” устидан эришган энг йирик ғалабаси эса 5:1 бўлиб турибди.

Ўтган йил Бухорода Илҳом Шомуродов ва Артур Геворкяннинг голлари “аждарлар”га ғалаба келтирганди – 2:0. Қаршида эса ҳисоб очилмаганди – 0:0.

Бухоро ўтган сўнгги беш учрашув:
12.04.2015 «Бухоро» - «Насаф» 0:2
15.08.2014 «Бухоро» - «Насаф» 0:2
29.10.2013 «Бухоро» - «Насаф» 1:5
26.06.2012 «Бухоро» - «Насаф» 1:0
22.04.2011 «Бухоро» - «Насаф» 1:1

Ўзаро ўйинлар ҳақида факт: “Бухоро” ўз уйида 9 бор “Насаф”ни таслим қилган. Тўртта учрашув дуранг билан тугаган. “Аждарлар” беш марта Бухородан уч очко билан қайтган. Охирги уч баҳсда “Насаф” сафардан уч очко билан қайтган.