Пепенинг отаси "Реал"дагиларни танқид қилди

Анаэль ўғли Испания чемпионлари билан янги шартнома имзоламасдан, "Бешиктош"га ўтгани сабабини айтиб берди.

"Бундай клублар футболчиларга босим ўтказишади ва уларнинг сувини сиқишади. Футболчилар чарчаб, ҳолдан тойганда, жамоадагилар улар билан бошқача муомалада бўлишади, уларнинг қадрига етишмайди. Агар футболчи иродали бўлса, у ютилган совринларга қарамай ўсишда давом этиш йўлларини топади.

Одатда шартнома якунланишига бир йил қолганда клуб вакиллари футболчиларга қўнғироқ қилиб, уни узайтиришни таклиф қилишади. Пепега қўнғироқ қилишмади, кейинроқ эса унга яна ўша молиявий шартларни таклиф қилишди. Шу сабабли янги шартнома имзоламасликка қарор қилдик" - дейди Пепенинг отаси.