Павел Смоляченко: "Пахтакор"га қарши бор кучимиз билан ўйнаганимиз учун "Локомотив"га ютқаздик"

Учрашувдан сўнг “Андижон” футболчиси Павел Смоляченко ўз фикрлари билан ўртоқлашди.

-  Мени фикримча “Локомотив” клуби айни дамда чемпионатимизнинг энг кучли жамоаси. Биз учун ўйин жуда ҳам қийин бўлди. Биринчи вазифамиз дарвозамиздан гол ўтказиб юбормаслик эди. Афсуски жарима зарбасидан гол ўтказиб юбордик ва шу гол режаларимизни ўзгартириб юборди. Ҳисобни тенглаштириш қийин масала эди. Биринчи бўлимда бизда голга тортадиган вазиятлар бўлмади. Иккинчи бўлимда эса ўзимда голли вазият юзага келганди. Афсуски ўша вазиятда омад мендан юз ўгирди ва имкониятдан фойдалана ололмадим. Агарда имкониятлардан фойдаланганимда ўйин бошқача кечиши мумкин эди.

“Локомотив” жамоаси ҳужумларидан ҳимояланиш биз учун жуда ҳам қийинчилик туғдирди. Энг асосийси биз учун уйдаги ўйинларда очко йўқотмаслик. “Қўқон – 1912” жамоаси билан 6 очколик ўйин бўлади. Агарда ўша учрашувда ғалаба қозона олсак турнир жадвалида улардан қочиб кетамиз. “Пахтакор” билан бўлган ўйинда бор кучимиз билан ҳаракат қилгандик. “Локомотив” билан ўйинга тайёргарлик кўриш учун бизда кам вақт бор эди. ушбу ўйинга тўлиқ тиклана олмадик. Мағлубиятга мана шу сабаб бўлди деб ўйлайман. Мухлисларимиз бизни қўллаб – қувватлаш учун Тошкентга ташриф буюришди. Бунинг учун уларга рахмат айтаман”, - дейди “Андижон” клуби футболчиси Павел Смоляченко.

Жаҳонгир Сотволдиев