Ўзбекистоннинг энг бой клубини биласизми?
04 окт 19:43
Янгиликлар
Ўзбекистоннинг энг бой клубини биласизми?
Шунинг учун Coca-Cola Суперлиганинг энг қимматбаҳо футболчиси Одилжон Ҳамробеков эканини барча билса керак. Ёки чемпионатимизда таркибининг умумий қиймати борасида Тошкентнинг "Пахтакор" клуби етакчи бўлиб турганини очиқ манбалардан топса бўлади.
Аммо шундай саволлар борки, кундузи оёқяланг югуриб ҳам жавоб тополмайсиз. Масалан, айни пайтда Ўзбекистоннинг молиявий жиҳатдан энг бақувват клубини биласизми? Жавобингиз инкор шаклда бўлса, кучли учлик сиз учун:
3. "Насаф"
Охирги йилларда Қашқадарё клуби иқтисодий жиҳатдан беқарор кунларни бошдан ўтказди. Жорий мавсум ҳам Рўзиқул Бердиев жамоаси асосий рақобатчиларига нисбатан анча ёмон шароитда ишлаётгани борасида хабарлар тарқалган эди. Championat.asia'га маълум бўлишича, "аждарлар"нинг 2022 йилдаги харажатлар сметаси 61 миллиард сўмни ташкил қилади. Бу рақам Суперлигада унча-мунча жамоаларнинг ҳавасини келтириши аниқ.
Шунга мос равишда "Насаф" Ўзбекистон чемпионатида барчадан яхшироқ натижа қайд этяпти. Айни пайтда Бердиев шогирдлари ОЧЛ гуруҳ босқичини ҳам муваффақиятли якунлаганини унутмаслик керак. Жамоа таркибидаги энг қимматбаҳо футболчилар — Ойбек Бозоров билан Ҳусайн Норчаев (800 минг евро).
2. "Пахтакор"
Тошкент гранди бу йил молиявий куч борасида 2-ўринга тушиб қолди. "Шерлар"нинг 1 йиллик харажатлар сметаси 68 миллиард сўмни ташкил қилади (Шунингдек, ёзда Ҳожимат Эркиновнинг трансферидан 220 минг доллар ишлаб олинган эди). Ҳозирча Максим Шацких шогирдлари мусобақа жадвалида ҳам 2-поғонада боришяпти. Жамоа таркибидаги энг қимматбаҳо футболчи Одил Ҳамробеков бўлиб, унинг трансфер қиймати 1 млн еврога тенг.
1. "Навбаҳор"
"Лочинлар"ни гранд клубга айлантириш учун сўнгги йилларда катта маблағлар сарфлаб юборилди. Наманган клубининг жорий мавсум учун харажатлар сметаси эса барчаникидан каттароқ бўлиб, деярли 84 млрд сўмни ташкил қилади. Мос равишда Самвел Бабаян шогирдлари кубок ва чемпионат ғолиблиги учун асосий даъвогарлардан бири бўлиб туришибди.
Сизнингча, 2022 йил учун энг кичик смета қайси жамоага тегишли? Эртага шу ҳақда маълумот берамиз.
Муаллифнинг телеграмдаги канали → ФР| футбол АНАЛИЗИ
Ўхшаш янгиликлар
championat.asia
ЖЧ-2022. "Тойота Мерседесни ортда қолдириб кетди"
ЖЧ-2022. Муросасиз кечган баҳсда Португалия Ганани мағлуб этди
ЖЧ-2022. Сенегал мезбон Қатар устидан ишончли ғалабага эришди
ЖЧ-2022. Испания терма жамоаси Коста-Рика дарвозасига 7та гол урди
Фикрлар
Навбахорники эса факатгина клуб уйтнчиларига тузилган ва шуни ташкиллаштиришга тузилган. Айтганча Яна судяларга ажратилган)))))
Албатта охиргиси хазил, аммо Навбахорни асл мухлислари мендан хафа булишмайди, чунки узлари хам куриб туришибди.
Насаф ПФК деганда Насаф асосий таркиби харажатлари, Марказий стадион, Севинч аёллар жамоаси харажатлари ва Геолог стадиони, дублёрлар ва Мехнатчи стадиони, Каршидаги жамоа базаси, академия, Бухоро Жондорда янги академия ишга тушурилди, кискаси асосий таркибга 61 млрд дан 25-30 лари тегса керак.