Ўзбекистон U-20 терма жамоаси июль ойида яна бир халқаро мусобақада қатнашади
07 июн 23:43
Янгиликлар

Ўзбекистон U-20 терма жамоаси июль ойида яна бир халқаро мусобақада қатнашади

Шу сабабли "Олимпик MobiUz" жамоасининг Про лигадаги икки ўйини бошқа санага кўчирилади.

"Ўзбекистон U-20 терма жамоаси 3-13 июль кунлари Қирғизистон мезбонлик қиладиган CAFA мусобақасида иштирок этиши Лигага маълум қилинди. Шундан келиб чиқиб, терма асосини ташкил қилувчи "Олимпик MobiUz" иштирокидаги икки беллашув санасига ўзгартириш киритиш сўралган.

Эндиликда Про лига 12-туридан ўрин олган "Қўқон-1912" — "Олимпик MobiUz" ўйини бир кун аввалроқ — 29-июнь санасида бўлиб ўтади. Ўзбекистон кубогининг 1/8 финалидан жой олган "Олимпик MobiUz" — "Хоразм" ўйини ҳам бир кун аввал — 2-июл куни ўтказилади", -дейилади ЎзПФЛ баёнотида.

Ҳавола :

Манба : ЎзПФЛ матбуот хизмати

Янгиликларни Телеграмда ўқинг!

Рейтинг: +4