Ўзбекистон Суперкубоги: Бир кун олдин қандай тадбирлар бўлиб ўтади?

29-май куни Бунёдкор стадиони мамлакат Суперкубоги баҳсига мезбонлик қилади. Амалдаги чемпион Пахтакор ва кубок соҳиби Насаф ўртасидаги супер учрашув олдидан 28 май куни ўйинолди расмий тадбирлар ташкил этилади.

Ўйинолди расмий тадбирлар кетма-кетлиги

28 май, сешанба

18:00 Пахтакор расмий машғулоти

18:30 Насаф матбуот анжумани

19:00 Насаф расмий машғулоти

19:20 Пахтакор матбуот анжумани

ОАВ вакилларига қулайлик яратиш мақсадида барча расмий тадбирлар Бунёдкор стадионида ўтказилади. Ҳар икки жамоа расмий машғулотининг дастлабки 15 дақиқаси ОАВ учун очиқ тарзда ўтади.

Барча турдаги ОАВ вакилларини Ўзбекистон Суперкубоги-2024 ўйинини бевосита воқеа жойидан ёритишга чорлаймиз!

Ўзбекистон Суперкубоги-2024 учрашуви 29 май куни Бунёдкор стадионида соат 19:00 да старт олади.