"Пахтакор" ва "Шаҳр Ходро" жамоалари учрашувидан олдин клублар вакиллари ва ўйин расмийлари иштирокида йиғилиш ўтказилди.
Унда учрашувни ташкил этиш масалалари билан бир қаторда жамоаларнинг ўйинда қандай либослардан фойдаланишига аниқлик киритилди. "Пахтакор" сариқ-кўк рангли либосда майдонга тушади. Мезбонлар дарвозабони оч қизил рангли кийимда бўлади. "Шаҳр Ходро" эса тўқ қизил рангли либослардан фойдаланиши маълум қилинди.
Эслатиб ўтамиз, "Пахтакор" - "Шаҳр Ходро" учрашуви 17 февраль куни соат 16:00да "Пахтакор" стадионида бошланади.
