ОЧЛ-2017. Бугун "Насаф" ва "Бунёдкор" ўйнайди

Ўзбекистоннинг икки клуби мусобақанинг гуруҳ босқичига чиқиш учун бугун сафарда майдонга тушишади.

Қаршининг "Насаф" клуби Саудия Арабистонида "Ал Фатеҳ" меҳмони бўлади. "Аждарлар" ўтган босқичда Тошкентда Баҳрайннинг "Ал Ҳидд" клубини 4:0 ҳисобида мағлуб этишганди. Бугунги ўйин Тошкент вақти билан соат 20:00да бошланади. Баҳс СПОРТ телеканали орқали тўғридан-тўғри эфирга узатилади. Ушбу ўйин ғолиби "B" гуруҳида "Истиқлол Хузистон" (Эрон), "Ал Жазира" (БАА) ва "Лаҳвия" (Қатар) клубилари билан курашади.

Тошкентнинг "Бунёдкор" клуби эса Қатарда "Ал Жайиш" билан куч синашади. Сардор Рашидов жамоасига қарши баҳс Тошкент вақти билан соат 20:15да старт олади. Учрашув СПОРТ телеканалида 22:20дан бошлаб ёзиб олинган ҳолда намойиш этилади. Бу ўйин ғолиби "C" гуруҳида "Ал Аҳли" (Саудия Арабистони) "Зоб Оҳан" (Эрон), "Ал Айн" (БАА) клублари билан ўйнайди.