"Ньюкасл" португалиялик ярим ҳимоячи Рубен Невешга қизиқмоқда
14 янв 2023 17:10
Янгиликлар

"Ньюкасл" португалиялик ярим ҳимоячи Рубен Невешга қизиқмоқда

Англиянинг "Ньюкасл" клуби "Вулверхэмптон" ва Португалия терма жамоаси футболчиси Рубен Невешни таркибида кўришни истайди.

Манбага кўра, Невеш Премьер-лига вакилининг нишонлари рўйхатига киритилган. Жамоа бош мураббийи Эдди Хау футболчининг ҳолатини кузатиб бормоқда. Ҳозирча клуб ва футболчи ўртасида алоқа ўрнатилмаган. Қайд этилишича, "бўрилар" билан Невешнинг шартномаси яна 1,5 йил амал қилади. Бироқ ярим ҳимоячи уни узайтиришни режалаштирмаяпти.

Охирги марта Рубен Невеш билан худди шундай мақсадда "Барселона" ва "Арсенал" алоқага чиққан. Жорий мавсумда Англия чемпионатида 17 та ўйинда майдонга тушган португалиялик ўйинчи 4 бор ўз номини таблога ёздириб қўйди.

Ҳавола :

Манба : Daily Mail

Янгиликларни Телеграмда ўқинг!

Рейтинг: