"Нефтчи" - "Олмалиқ" учрашувидан кейинги фикрлар

Игорь Шквирин, «Олмалиқ» бош мураббийи: «Аввало, «Нефтчи» мухлисларини ажойиб ғалаба билан табриклайман. Биз бу ўйинга катта йўқотишлар билан келдик. Жамамдаги олти нафар футболчида жароҳат бор. Бугун шунинг учун 17 кишини заявкага киритдим. Иккинчи бўлимда майдонга тушган Шоаҳмедов эндигина жароҳатидан қутулди. Ўйлайманки, кейинги ўйинларда барчаси яхши бўлиб кетади».

Амет Мемет, «Нефтчи» маслаҳатчи мураббийи: «Бугун шогирдларим яхши ўйин намойиш этишди. Энг асосийси секин асталик билан вазиятлардан фойдаланиш фоизини ошириб боряпмиз. Бугунги баҳсда биз имкониятлардан тўлиқ фойдаландик. «Олмалиқ» эса.. Ҳар бир футболчига ўйин амалиёти бериш мақсадида уларни имкон қадар майдонга туширмоқдаман. Масалан, бугун Ғулом Ўрунов ва Носир Отақўзиевлар асосий таркибда майдонга тушишди. Тожиев эса жароҳат борлиги сабаб захирада қолдирилди. Мансур Саидов борасида шуни айтишим мумкинки, унга дам беришга қарор қилдик. Боиси олдинда бизни қийин учрашувлар кутиб турибди».