Бу ҳақда "TEAMtalk" нашри хабар бермоқда.
Манбанинг хабарига кўра, "қизил иблислар" вакиллари яқинда 22 ёшли футболчи бўйича музокараларга киришган. "Кўклар" эса, ўз навбатида, ўйинчи атрофидаги вазиятни кузатиб боришмоқда, бироқ трансфер амалга ошган тақдирда унга асосий таркибдан доимий жой кафолатлай олишмайди.
Қайд этилишича, айни пайтда Англия Премьер-лигаси клубларининг ҳеч бири расмий таклиф билан чиқмаган. Шу билан бирга, испаниялик футболчини қўлга киритиш учун курашда "Монако" ҳамон фаворит ҳисобланмоқда. Касадо шу ёзда "кўк-анорранглилар" сафини тарк этиши тахмин қилинмоқда, чунки клуб бошқа харидлар учун қайдномадан жой бўшатиш ниятида.
Футболчи 2024 йилнинг июль ойидан буён Каталония клубининг асосий таркибида тўп суриб келмоқда. Унинг амалдаги шартномаси 2028 йилнинг 30 июнигача мўлжалланган. Якунланган мавсумда Касадо 34 та учрашувда майдонга тушиб, битта голли узатмани амалга оширди.
