Мусиала "Бавария"даги инқироз ҳақида гапирди

"Бавария" ярим ҳимоячиси Жамол Мусиала жамоадаги инқироз ҳақида тўхталиб ўтди.

"Биз ҳаммамиз ғалаба қозонишни ва биринчи рақамли бўлишни хоҳлаймиз. "Байер" билан ўйинда буни кўрсатдик. Ўйинда анча фаол бўлиб, ҳужумлар яратдик. Кейинги ўйинларда ҳам худди шундай ҳаракат қилишимиз керак. Ҳали инқироздан тўлиқ чиқиб кетганимиз йўқ. Сўнгги пайтларда босим ҳис қилдик, шунинг учун ўйинга тайёргарлик кўришда ҳам, ўйин вақтида ҳам диққатни жам қилиб ўйнадик", – деди футболчи Мюнхен клуби расмий сайтига.

Эслатиб ўтамиз, "Бавария" Бундеслигада "Байер"ни мағлуб этиб, ғалабасиз сериясига чек қўйди.