Мурод Бобожонов: “Бу ғалабани “Нефтчи” мухлисларига бағишлаймиз”
29 май 2016 15:00
Янгиликлар

Мурод Бобожонов: “Бу ғалабани “Нефтчи” мухлисларига бағишлаймиз”

Олий лига 10-тур доирасидаги “Пахтакор” – “Нефтчи” баҳсидан сўнг меҳмонлар ҳужумчиси Мурод Бобожонов ўз фикрлари билан ўртоқлашди.

- “Пахтакор” устидан сафарда эришилган ғалаба билан барча “Нефтчи” мухлисларини табриклайман. Жуда ҳам қизиқарли ўйин бўлди. Мазкур муваффақиятни жамоамизнинг ишқибозларига бағишлаймиз. Тошкентга фақат ғалаба учун келгандик ва мақсадимизга эришдик. Бу биз ғалаба қозонадиган баҳс эди ва вазифани уддаладик, - деб таъкидлади Бобожонов.

“Фарғонада хамжиҳат ва аҳил жамоа йиғилган. Хар қандай вазиятда жамоадошларимиз билан бир-биримизни қўллаймиз. Энди кейинги ўйинларга тайёрланамиз ва навбатдаги баҳсларда ҳам мухлисларга ғалаба тақдим этишга ҳаракат қиламиз”, - деди 22 ёшли ҳужумчи.

Эслатиб ўтамиз, Фарғонанинг “Нефтчи” жамоаси 11-турда вилоят дербиси доирасида “Қўқон-1912” жамоасини қабул қилади. Беллашув 10 июнь куни бўлиб ўтиши режа қилинган.

“Нефтчи” матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +6