Моуринью Бразилияга рад жавобини берди
10 янв 2023 10:39
Янгиликлар

Моуринью Бразилияга рад жавобини берди

"Рома" бош мураббийи Жозе Моуринью Бразилия терма жамоасини бошқаришдан бош тортди, деб хабар берди Sport.es.

Манбанинг хабарига кўра, 59 ёшли мутахассис Италия клубида қолиб, жамоа билан бир нечта совринларни қўлга киритмоқчи.

Аввалроқ "Порту" собиқ футболчиси Карлос Альберто Моуринью терма жамоа бош мураббийи бўлиши мумкинлигини айтиб, унга Жозе ёрдамчи бўлишни таклиф қилганини очиқлаганди.

Бразилия терма жамоаси Тите кетганидан кейин мураббийсиз қолди. 61 ёшли мутахассис Қатарда бўлиб ўтган ЖЧ-2022 чорак финалида Хорватияга пенальтилар сериясида (1:1, пеньалтилар бўйича – 2:4) мағлуб бўлгач, истеъфога чиққанини маълум қилди. У терма жамоада 2016 йилдан буён фаолият юритиб келаётган эди.

Ҳавола :

Манба : Sport.es

Янгиликларни Телеграмда ўқинг!

Рейтинг: