"Металлург" илк йиғинини якунлаб, таътилга чиқди
29 дек 2022 18:28
Янгиликлар

"Металлург" илк йиғинини якунлаб, таътилга чиқди

Янги мавсум учун дастлабки йиғинни Бекободдаги қароргоҳида ўтказган "Металлург" футболчиларига янги йил байрами муносабати билан таътил берилди.

"Бугун куннинг биринчи ярмида тренажёр залида жисмоний тикланиш машқлари адо этилгач мураббийлар штаби ҳамда футболчилар ўз уйларига жўнаб кетишди.

Маҳаллий мураббийлар штаби испаниялик мутахассисларимизнинг кўрсатмалари асосан бир ҳафта мобайнида футболчиларга жисмоний юкламалар беришди. Эрталабки нонуштадан сўнг тренажёр залида ишланган бўлса, куннинг иккинчи ярмида машғулотлар база ёнидаги футбол майдонига кўчди.

Янги йил байрамидан кейинги йиғин ҳам Бекободда ташкиллаштирилади. Иккинчи ўқув-машғулот йиғинига Луисма Эрнандес бошчилигидаги испаниялик мураббийларимиз ҳамда клубга таклиф этилган хорижлик легионер ўйинчилар ҳам етиб келишади. Тошкент вилояти ҳамда пойтахтда бир қатор ўртоқлик учрашувлари ўтказилиши бўйича келишиб олинган", – дейилади "Металлург" матбуот хизмати хабарида.

Ҳавола :

Манба : "Металлург" клуби матбуот хизмати

Янгиликларни Телеграмда ўқинг!

Рейтинг: +2