Испаниялик футболчининг шартномасида белгиланган товон пули этиб 60 миллион евро кўрсатилган, бу эса клубларга ушбу бандга амал қилган ҳолда исталган вақтда музокараларни бошлаш имконини беради. Журналист Кике Маринанинг сўзларига кўра, Англиянинг "Манчестер Сити" клуби шундай йўл тутишни режалаштирмоқда.
Микель Мерино Transfermarkt портали томонидан 50 миллион еврога баҳоланган. 25 ёшли марказий ярим ҳимоячи жорий мавсумда "Сосьедад" сафида барча турнирлар доирасида 35 та ўйинда майдонга тушиб, 4 та гол урган ва 4 та голли узатмага муаллифлик қилган. Меринонинг клуб билан шартномаси 2025 йилнинг ёзига қадар амал қилади.
