“Мальорка” – “Барселона баҳси вақтида майдонга югуриб тушган мухлис нега бундай қилганини изоҳлади

“Буни коронавирус бошланишидан олдин режалаштирганман. Месси – менинг севимли футболчим. Ўйин бекор қилинишидан аввал, у билан расмга тушишни истагандим. Орзуим – биргаликда расмга тушиш ва у билан танишиш.

Бироқ, биринчи Альбани кўрдим ва у билан суратга тушдим, кейин эса Месси томонга югурдим, лекин вирус туфайли у суратга тушишни хоҳламади. Дўстларим билан бирга эдим ва 40-дақиқагача стадионга етиб бордим. 2 метрли тўсиқдан ошиб ўтдим ва зинапоялардан тушиб майдонга югурдим. Менга фотосуратни ўчириб, маълумотларим келтирилган ҳужжатга қўл қўйишимни сўрашди. Жарима тўлаш ё тўламаслик бўйича эса ҳеч нарса айтилмади”, дейди мухлис.