Малайзия. Лутфулла Тўраевдан дубль, барча ҳамюртларимизда ғалаба

Ушбу турда уч нафар ўзбекистонлик футболчи тўп тепаётган клубларнинг барчаси ғалаба нашидасини суришди.

Ҳамюртимиз Лутфулла Тўраев тўп тепаётган "Фельда Юнайтед" клуби ўз уйида ПДРМ клубини қабул қилиб 4:0 ҳисобида зафар қучди. Тўраев иккала бўлимда биттадан гол уриб дублга эришди.

"Фельда" ушбу ғалабадан сўнг ўз очколари сонини 21тага етказиб, мусобақа жадвалида биринчи ўринга чиқиб олди. Тўраев жамоаси кейинги ўйинни 24 апрель куни сафарда "Перак" клубига қарши ўтказади.

"Перак" эса ўтган турни сафарда "Теренггану"га қарши ўтказиб 3:2 ҳисобида зафар қучди. "Перак" сафида Воҳид Шодиев 59 дақиқа ҳаракат қилди. Клуб 7 очко билан 9-ўринга чиқиб олди.

Дилшод Шарофетдинов фаолият олиб бораётган "Т-Тим" жамоаси ўз уйида "Кедах"ни мағлуб этди - 4:1. Шарофетдинов учрашувда тўлиқ ҳаракат қилди. "Т-Тим" 12 очко билан мусобаыа жадвалининг 4-поғонасида бормоқда.


"Фельда Юнайтед" - ПДРМ 4:0
Голлар: Чристи Жаяселан 21, Лутфулла Тўраев 27, 88, Ф.Дое 90+3.

"Теренггану" - "Перак" 2:3
Голлар: Накажима Фарран 28 пенальти, 86 - Моҳд Фазрул Ҳазли 25, Элиас Фернандес 54, 64.

"Т-Тим" - "Кедах" 4:1
Голлар: Моҳд Асрол 10, Конате 66, Аҳмад Таҳиюддин 78, Муҳаммад Сафави 83 - Баддрол 43.


Малайзия Суперлигаси. 8-турдан кейинги вазият