Луисма Эрнандес: "Бу мағлубият бизни тушкунликка туширмайди"

Ўйин ҳақида

- Ҳафта давомида қаттиқ меҳнат қилдик. Аммо, шунча ҳаракат қилишимизга қарамасдан бугунги учрашувда мағлубиятга учрадик. Вазиятлар яратдик, фақат уларнинг биттасидан фойдалана олдик. "Бунёдкор" эса ўз вазиятларининг иккитасини голга айлантира олди ва якунда ғалабага эришди. Меҳмонларни ғалаба билан табриклайман.

- Бугунги ўйин асосан Бектемир Абдуманнонов орқали ташкил этилди. Бу айнан "Бунёдкор" учун танланган услубмиди?

- Албатта Бектемир ўйиндан-ўйинга ўз маҳоратини ошириб бораяпти. Шу сабабдан биз унинг қанотидан ҳужумлар ташкил этдик. Аммо, у ўз имкониятларини голга айлантира олмади. Бу холатдан биз тушкунликка тушмаймиз. Навбатдаги ўйинларга янада яхшироқ тайёргарлик қиламиз.

- Жамоа етакчилари Забиҳилло Ўринбоев ва Дамир Темировлар бугун ўйнамади. Уларни навбатдаги учрашувларда майдонда кўрамизми?

- Забиҳилло сариқ карточкалар сабаб бугунги ўйинни ўтказиб юборди. Дамир Темиров тикланиш жараёнида. Унинг соғлиги билан таваккал қилишни истамаяпмиз. У жамоамизнинг энг иқтидорли футболчиларидан бири. Қачон тайёр бўлса майдонга туширамиз.

Бу футбол, меҳнатимизга қарамасдан мағлуб бўлдик. Айтиб ўтганимдек, бу мағлубият бизни тушкунликка туширмайди. Аксинча навбатдаги учрашувларда янада яхшироқ тайёргарлик кўриб ғалабаларга эришишга ҳаракат қиламиз.