Луис Фелипе Сколари: "Ҳали 3-ўрин учун курашамиз"

"Ушбу натижа учун ким жавоб беради? Мен. Албатта ушбу ўйинда кўпчилик иштирок этди, лекин, таркиб ва тактикани ўйин учун мен танладим. Бу менинг танловим эди.

Биз қўлимиздан келган барча ишни қилдик. Лекин, бу Германия терма жамоаси эди. Ўйлайманки, ҳатто немис футболчилари ҳам нима юз берганини сизга айтиб бера олмайдилар. Лекин, уларнинг ўйинларига қойил қолиш зарур.

Бразилия ҳалқига мурожаат қилмоқчиман. Ушбу ўйин учун бизни кечиринг. Финалга чиқа олмаганимиз учун узр сўрайман. Учинчи ўрин учун ўйинда ғалаба қозонишга ҳаракат қиламиз. Ҳали ушбу турнирда курашишимиз учун нимадир бор", - дейди Сколари.