"Локомотив"га гол урган Алишер Жалилов: "Узоқ масофа босиб келган мухлисларга ташаккур"

Ушбу ғалаба уларга плей-офф босқичига йўлланмани тақдим этди. Ўйиндан кейин меҳмонлар етакчиси Алишер Жалиловнинг фикрлари билан қизиқдик.

"Оғир ва осон бўлмаган ўйинни ўтказдик. Ғалабадан хурсандмиз. Рақибимиз тўп билан яхши муомала қилишини билар эдик. Шунга яраша тактика асосида ҳаракат қилдик. Режаларимиз амалга ошди. Мақсадимиз гуруҳ босқичига чиқиш. Кейинги ўйинни ўйлашимиз лозим. Фурсатдан фойдаланиб узоқ масофа босиб келиб, стадионда бизларни қўллаб-қувватлашгани учун раҳмат айтаман. Футбол мухлисларсиз ўз жозибасини йўқотади. Улар ажойиб муҳит ҳосил қилишди", - деди учрашувдаги ягона гол муаллифи Алишер Жалилов.

Абдулазиз Искандаров ёзиб олди