Ла Лига президенти: "Роналдунинг кетиши, бизга таъсир кўрсатмади. Мессининг кетиши эса сезиларли бўлади"

“Криштианунинг кетиши «Реал»ни хафа қилган бўлса ҳам бу бизга деярли таъсир кўрсатмади, боиси, Ла Лига бренди маълум футболчилардан юқорироқ бўлиш учун йиллар давомида тайёрланган.

Аммо Месси билан боғлиқ ҳолат бошқа. У тарихдаги энг яхши футболчи. Фақат бизнинг лигамизда ҳаракат қилгани эса бизнинг омадимиз. Назаримда, Мессининг кетиши сезиларлироқ бўлади. Айниқса, бошқа чемпионатга ўтиши.

Лионель – испан футболи рамзи, Ла Лига ва мен ундан фаолиятини чемпионатимизда якунлашини сўраган бўлардим. Унинг кетиши эса фожиа бўлмайди, чунки биз Месси ёки унинг иштирокисиз ҳам телевизион келишувларни имзолай оламиз. Бироқ, асосийси – унинг лигага олиб келаётган фойдаси. Месси бизни доимо хурсанд қилади”, дейди Тебас.