Аммо бу мақом италияликни можародан ҳимоя қилолмади. Сўнгги можаро "Леванте" футболчиси Этта Эйонг атрофида келиб чиқди.
Сўнгги пайтларда унинг ЦСКА Москвага кўчиб ўтиши ҳақида миш-мишлар кучайди. Бироқ камерунлик футболчининг ўзи РПЛга боришдан бош тортган — у у ерда ўзини ривожлантириш учун истиқбол кўрмаяпти. Айни пайтда клуб "армиячилар"нинг 30 млн евро миқдоридаги таклифини қабул қилган.
Бу воқелик фонида чемпионатда "Вильярреал"га қарши сўнгги ўйинда Эйонг захирада қолди ва Романо бу ҳолат айнан трансфер масаласи билан боғлиқлигини айтди. "Леванте" бош мураббийи Луиш Каштру эса бу назарияни ва италияликнинг фикрларини кескин рад этди:
"Мен Фабрицио Романони шахсан танимайман, лекин агар шу сабаб бўлганида, нега у кейинроқ майдонга тушди? У Эспига нисбатан жуда ноҳақлик қилди. У фантастик ўйин ўтказди, кейинги ўйинларда ҳам ўйнаса арзийди. Этта тактик сабабларга кўра захирада қолганди.
Маълумки, товон пулини тўлаш керак эди, аммо клуб менга "агар у сенга керак бўлса, ҳеч қандай муаммо йўқ", деди. Шунинг учун мен уни майдонга туширдим. Агар у бошланғич таркибда бўлмаган бўлса, бу фақат тактик сабабларга кўра. Агар Фабрицио мени таклиф қилса, мен унга тактик жиҳатларни тушунтираман", – деди Каштру.
