Кумиков ва Лутфулла Тўраев "Нефтчи" мағлуб этилгач нималар дейишди?

Виктор Кумиков: Биринчи бўлимни қониқарли ўтказа олмадик. Икки ноаниқ зарбадан ташқари деярли хавфли вазият яратмадик. Шу сабабли, танаффус чоғида футболчиларга керакли кўрсатмаларни берган ҳолда иккинчи бўлимда яна жадалроқ ҳаракат қилишларига чорладим. Иккинчи бўлимда ўйинни тўлиқ назорат қилдик ва якунда ғалабага эришдик.

Лутфулла Тўраев: Мураббийнинг фикрларига қўшиламан. Биринчи бўлимда ўйинимиз қовушмади. Иккинчи тайм олдидан йигитларни руҳлантиришга уриндим. Рақибдан қўрқмасдан олдинга бориш кераклигини уқтирдим. Ғалабадан эса хурсандман.

- Лутфулла, иккинчи бўлимда меҳмонлар кўпроқ фаол кўринди. АГМК нимани ҳисобига ғалабага эришди?
- Танаффусда йигитларга анча гапирдим. Характер кўрсатишга ҳаракат қилдик.