

Роналду ўғлининг терма жамоага чақирув олганига муносабат билдирди.
14 ёшли кичик Криштиану Португалиянинг U15 терма жамоаси таркибига киритилди. Жамоа 13-18 май кунлари Хорватияда бўлиб ўтадиган Влатко Маркович номидаги турнирда иштирок этади.
"Ал-Наср" ҳужумчиси ўзининг инстаграм ҳикоясида португал жамоаси таркибининг суратини жойлаб, "Сен билан фахрланаман, ўғлим!" дея ёзди.



