Конте Азарни "Олтин тўп" учун курашишга чақирди

"Роналду, Месси ёки Неймар каби футболчилар ҳар бир вазият учун чанқоқлиги кўриниб туради. Биринчи голдан сўнг иккинчи, иккинчисидан кейин учинчи голни уришга ҳаракат қилишади. Айнан шу сифат уларни бошқалардан ажратиб туради. Роналду ўтган мавсумда нима ютгани муҳим эмас. У ёки Месси жаҳон чемпионатида мана шу чанқоқ билан иштирок этишади.

Мени буни футболчининг ичидаги "муқаддас олов" деб аташни яхши кўраман, айнан шу нарса туфайли улар гол уриб, ўйинларда ғалабага эришишади. Ҳар биримизнинг ичимизда шундай олов мавжуд. У катта ва кичик бўлади. Оловни ёқа билиш керак. У ёнғинга айланганда, сен Месси, Роналду ёки Неймар каби инсонга айланасан.

Азарда бу гигантлар билан курашиш учун ҳамма нарса бор. У келаси йил "Олтин тўп" номзодлари орасида бўлиши учун ўз ўйинини кучайтириши керак. Унда бунинг учун куч бор, бироқ кучдан тўлиқ фойдаланиш қийин бўлади" - дейди Конте.

2017 йил якунларига кўра, "Олтин тўп" Роналдуга насиб этди, Азар эса 19-ўринни эгаллади.