19 ёшли вингер-ҳужумчи Италия клуби билан 5 йиллик шартнома имзолади.
Нидерландиялик футболчи "АЗ Алкмаар" клуби тарбияланувчиси ҳисобланади. У ўтган мавсумда асосий жамоа билан Эредивизияда дебютини амалга оширди.
Шунингдек, у АЗ билан УЕФА ёшлар лигаси ғолиби ҳам бўлган. Аддай ўтган мавсум асосий жамоада 17 ўйинда 1 гол, ёшлар жамоасида эса 12 ўйинда 7 гол урди.
Маълумотларга қараганда, "Комо" футболчи учун 14 млн евро тўлаган.
